ਚੰਡੀਗੜ੍ਹ, 11 ਸਤੰਬਰ, 2023: (22G TV) ਸੋਸ਼ਲ ਮੀਡੀਆ ਦੇ ਇਸ ਯੁੱਗ ਵਿੱਚ ਦਿੱਖ ਬਹੁਤ ਮਹੱਤਵਪੂਰਨ ਹੈ। ਦਿੱਖ ਨੂੰ ਵਧਾਉਣ ਲਈ, ਹਰ ਕਿਸੇ ਲਈ ਪਹੁੰਚਯੋਗ ਇੱਕ ਨਵਾਂ ਸੈਲੂਨ ਆਊਟਲੈਟ – ਹੇਅਰ ਰੇਜ਼ਰਜ ਲਗਜ਼ਰੀ ਸੈਲੂਨ ਸੋਮਵਾਰ ਨੂੰ ਇੱਥੇ SCO 77, ਸੈਕਟਰ 40C, ਚੰਡੀਗੜ੍ਹ ਵਿਖੇ ਲਾਂਚ ਕੀਤਾ ਗਿਆ। ਸੈਲੂਨ ਦਾ ਉਦਘਾਟਨ ਹਿੰਦੀ-ਪੰਜਾਬੀ ਗੀਤਕਾਰ ਤੇ ਸੰਗੀਤਕਾਰ ਜਾਨੀ (ਰਾਜੀਵ ਕੁਮਾਰ) ਵਲੋਂ ਕੀਤਾ ਗਿਆ।
ਹੇਅਰ ਰੇਜ਼ਰਜ ਲਕਸ ਸੈਲੂਨ ਮੁਨੀਸ਼ ਬਜਾਜ ਦੇ ਦਿਮਾਗ ਦੀ ਉਪਜ ਹੈ, ਜਿਨ੍ਹਾਂ ਦੇ ਦ੍ਰਿੜ ਇਰਾਦੇ, ਸਖ਼ਤ ਮਿਹਨਤ ਤੇ ਉੱਤਮ ਉੱਦਮੀ ਹੁਨਰ ਦੇ ਕਾਰਨ, 2004 ਵਿੱਚ ਹੇਅਰ ਰਿਸਰਜ ਲਗਜ਼ਰੀ ਸੈਲੂਨ ਦੇ ਆਪਣੇ ਪਹਿਲੇ ਸੈਲੂਨ ਨਾਲ ਹੋਂਦ ਵਿੱਚ ਆਇਆ। ਹਾਲਾਂਕਿ, ਟਰੇਸ ਲੌਂਜ ਨੂੰ ਇੱਕ ਸਾਲ ਪਹਿਲਾਂ ਲਾਂਚ ਕੀਤਾ ਗਿਆ ਸੀ। ਦੋਵੇਂ ਸੈਲੂਨ ਚੇਨ ਸਿਰਫ ਬਜਾਜ ਦੀਆਂ ਹੀ ਹਨ। ਟਰੇਸ ਲੌਂਜ ਇੱਕ ਲਗਜ਼ਰੀ ਸੈਲੂਨ ਹੈ, ਜਦੋਂ ਕਿ ਹੇਅਰ ਰੇਜ਼ਰਜ ਲਕਸ ਲਗਜ਼ਰੀ ਫਰਨੀਚਰ ਵਾਲਾ ਇੱਕ ਬਜਟ ਸੈਲੂਨ ਹੈ।
ਇਸ ਮੌਕੇ ਹੇਅਰ ਰੇਜ਼ਰਜ਼ ਲਗਜ਼ਰੀ ਐਂਡ ਟਰੇਸ ਲੌਂਗਿਊ ਦੇ ਸੰਸਥਾਪਕ ਮੁਨੀਸ਼ ਬਜਾਜ ਨੇ ਕਿਹਾ ਕਿ ਮੇਰੇ ਦੋਵੇਂ ਸੈਲੂਨ ਪਰਸਨਲ ਕੇਅਰ ਸੈਗਮੈਂਟ ਵਿੱਚ ਮੋਹਰੀ ਹਨ ਅਤੇ ਇਨ੍ਹਾਂ ਨੇ ਉੱਤਰ ਭਾਰਤੀ ਹੇਅਰ ਡ੍ਰੈਸਿੰਗ ਉਦਯੋਗ ਦਾ ਚਿਹਰਾ ਬਦਲ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਕੈਰਾਸਟੇਸ, ਲੋਰੀਅਲ ਅਤੇ ਮੈਟਰਿਕਸ ਦੇ ਉਤਪਾਦਾਂ ਦੀ ਵਰਤੋਂ ਕਰਦੇ ਹਾਂ ਅਤੇ ਚਮੜੀ, ਸੁੰਦਰਤਾ, ਵਾਲ, ਮੇਕਅਪ ਤੇ ਨੇਲ ਆਰਟ ਸੇਵਾਵਾਂ ਦੀ ਪੇਸ਼ਕਸ਼ ਕਰਦੇ ਹਾਂ। ਸਾਡੇ ਸੈਲੂਨ ਵਿੱਚ 700 ਪੇਸ਼ੇਵਰਾਂ ਦਾ ਚੰਗੀ ਤਰ੍ਹਾਂ ਸਿਖਲਾਈ ਪ੍ਰਾਪਤ ਸਟਾਫ ਹੈ।
ਉਨ੍ਹਾਂ ਕਿਹਾ ਕਿ ਵਰਤਮਾਨ ਵਿੱਚ ਬਜਾਜ ਦੇ ਉੱਤਰੀ ਭਾਰਤ ਵਿੱਚ 40 ਤੋਂ ਵੱਧ ਸੈਲੂਨ ਆਊਟਲੇਟ ਹਨ, ਜੋ ਨੌਜਵਾਨਾਂ ਨੂੰ ਰੁਜ਼ਗਾਰ ਵੀ ਪ੍ਰਦਾਨ ਕਰ ਰਹੇ ਹਨ। ਉਨ੍ਹਾਂ ਦੀ ਹੇਅਰ ਕੇਅਰ ਅਕੈਡਮੀ ਆਪਣੇ ਸਿਖਿਆਰਥੀਆਂ ਲਈ ਨੌਕਰੀ ਦੇ ਮੌਕੇ ਯਕੀਨੀ ਬਣਾਉਂਦੀ ਹੈ। ਇੱਥੋਂ ਤੱਕ ਕਿ, ਜੇਕਰ ਕੋਈ ਸਿਖਿਆਰਥੀ ਆਪਣਾ ਨਿੱਜੀ ਸੈਲੂਨ ਖੋਲ੍ਹਣਾ ਚਾਹੁੰਦਾ ਹੈ, ਤਾਂ ਉਸਨੂੰ ਵਿੱਤੀ ਸਹਾਇਤਾ ਵੀ ਦਿੱਤੀ ਜਾਂਦੀ ਹੈ। ਉਨ੍ਹਾਂ ਕਿਹਾ ਕਿ ਉਹ ਪੂਰੇ ਭਾਰਤ ਵਿੱਚ ਹੋਰ ਸੈਲੂਨ ਖੋਲ੍ਹਣ ਦੀ ਯੋਜਨਾ ਬਣਾ ਰਹੇ ਹਨ।
